Կուզեի լինել։ Ռաբիդրանաթ Թագոր
Երբ առավոտյան ժամը ութը խփում է, և ես մեր նեղ փողոցով ճամփա եմ ընկնում դեպի դպրոց, ամեն օր դեմս ելնում է մանրավաճառը. «Ասել, քորո, սիրուն օղե~ր»,- կանչում է նա: Եվ ստիպված չէ բնավ շտապելու, ստիպված չէ անպատճառ այս կամ այն փողոցում լինելու, ստիպված չէ այսինչ տեղը գնալու և մանավանդ այսինչ ժամին անպայման տուն վերադառնալու:
Կուզեի ես էլ մանրավաճառ լինել, թափառել ամբողջ օրը ճամփաների վրա ու կանչել. «Ասել, քորո, սիրուն օղե~ր»:
Երբ իրիկունները վերադառնում եմ դպրոցից, միշտ հանդիպում եմ պարտիզպանին, որ իր ցանկապատի ետևում հող է մշակում: Բահը ձեռքին անում է այն, ինչ որ սիրտն ուզում է փոշոտում է հագուստները: Եվ ոչ մեկից նկատողություն չի ստանում, երբ արևի տակ վառվում է կամ թրջվում է անձրևից:
Կուզեի ես էլ պարտիզպան լինել, մշակել իմ պարտեզը, և ոչ մեկը իմ փորելը չարգելեր:
Երբ մութն ընկնում է, ու մայրիկս ինձ ուղարկում է անկողին, իմ բաց պատուհանից տեսնում եմ հաճախ մեր փողոցի պահապանին, որն իջնում և բարձրանում է հաստ փայտը ձեռքին:
Փողոցը մութն է ու լռիկ. և հեռվում ցցի վրա տնկած լապտերը կարծես մի հրեշ լինի մեկ հատիկ կարմիր աչքով:
Իսկ պահապանի ձեռքին երերում է լապտերը, որը քարշ է տալիս իր երկար ստվերի հետ ու բնավ անկողին չի մտնում:
Կուզեի ես էլ պահապան լինել, ամբողջ գիշերը քայլել փողոցներով և լապտերովս ստվերները փախցնել:
Առաջադրանքներ
1․ Լրացրե՛ք տրված մտքերը.
Ուզում եմ մանրավաճառ լինել, քանի որ ․․․․․․․․․․․․․․․․․․․․․․․․․․․
Կուզեի ես էլ պարտիզպան լինել, որ․․․․․․․․․․․․․․․․․․․․․․․․․․․․․․․
Կուզեի ես էլ պահապան լինել, որպեսզի․․․․․․․․․․․․․․․․․․․․․․․․․․․․․․․․․․
Ուզում եմ մանրավաճառ լինել, քանի որ ես ուզում եմ ազատ լինել, չհոգալ ժամանակի մասին և կրել օղեր ու մատանիներ, կանչելով անցորդներին:
Կուզեի ես էլ պարտիզպան լինել, որ կարողանայի առանց շտապելու աշխատել իմ պարտեզում, զբաղվել հողի հետ և վայելել իմ աշխատանքի արդյունքները:
Կուզեի ես էլ պահապան լինել, որպեսզի կարողանայի ամբողջ գիշեր շրջել փողոցներով, լապտերով պահել մութը և ապահովություն ստեղծել մարդկանց համար:
«Կուզեի լինել» ստեղծագործության մեջ արտահայտված գաղափարը հետևյալն է՝ մարդը երազում է ազատության ու անկախության մասին, ուզում է ապրել իր նախասիրություններին համապատասխան և չսահմանափակվել հասարակական կանոններով ու պարտականություններով:
«Կուզեի լինել» ստեղծագործության մեջ արտահայտված գաղափարի հետ համաձայն եմ, որովհետև կարծում եմ, որ բոլորը ցանկանում են կյանքում գտնել իրենց երջանկությունը և առօրյայում ազատություն ունենալ՝ չտարբերելով աշխատանքը կամ զբաղմունքը:
Ամիրյան Գրիգոր 